وہ خدا نے ہے مرتبہ تجھ کو دیا نہ کسی کو ملے نہ کسی کو ملا

(شعر نمبر 03)
وہ خدا نے ہے مرتبہ تجھ کو دیا نہ کسی کو ملے نہ کسی کو ملا
کہ کلام مجید نے کھائی شہا ترے شہر و کلام و بقا کی قسم مشکل الفاظ کے معنی:
*کلام مجید--قرآن پاک * کھائی-- یاد فرمائی
مفہوم اشعار وخلاصہ تشریح
اے میرے شفاعت والے رسول ! جو مرتبہ آپ ﷺ کے رب نے آپ ﷺ کو عطا فرمایا وہ آج تک نہ کسی کو ملا ہے اور نہ قیامت تک کسی کو ملے گا اور حد ہو گئی کہ رب العالمین ہو کر آپ ﷺ کے شہر پاک آپ ﷺ کے منہ سے نکلنے والے الفاظ اور آپ ﷺ کی مبارک زندگی کی قسم (قرآن مجید میں ) یاد فرما رہا ہے۔ 
شہر کی قسم : لا اقسم بھذا البلد (سورۃ البلد)
کلام کی قسم؛ و قیلہ یا رب ان ھولاء قوم لا یومنون (الزخرف) 
بقا زندگی کی قسم : لعمرم انھم لفی سکرتھم یعمھون (الحجر)
؂     والعصر ہے تیرے زماں کی قسم لعمرک ہے تیری جاں کی قسم
والبلد ہے تیرے مکان کی قسم تیرے رہنے کی جا کا کیا کہنا                          
کسی فارسی شاعر نے کیا خوب فرمایا۔
؂ ہر کسی قسم بدانچہ عزیز است می خورند
   سو گندرب کردگار نام محمد است                         
ہر کوئی اپنے پیارے ہی کی قسم اٹھاتا ہے اور اللہ اپنے پیارے محمد ﷺ کے نام کی قسم یاد فرماتا ہے یہ شعر دراصل حضرت ابو ہریرؓ کے ایک فرمان کا ترجمہ ہے جو ز رقانی شریف میں ابن قیم کے حوالے سے ہے۔ 
لا یعرف فی السلف نزاع ان ھذا قسم من اللہ تعالی بحیوۃ رسولہ۔
اس میں کوئی اختلاف نہیں ہے کہ اللہ تعالی نے اس آیت (العمر ک) میں حضور علیہ السلام کی زندگی کی قسم یاد فرمائی ہے۔