تو ہی بندوں پہ کرتا ہے لطف و عطا ہے تجھی پہ بھروسا تجھی سے دعا

(شعر نمبر06)
تو ہی بندوں پہ کرتا ہے لطف و عطا ہے تجھی پہ بھروسا تجھی سے دعا
مجھے جلوۂ پاک رسول دکھا تجھے اپنے ہی عزو علا کی قسم                                  مشکل الفاظ کے معنی:
*لطف و عطا-- مہربانیاں *بھروسا -- سہارا * عزو عطا -- عزت ، بلندی
مفہوم اشعار وخلاصہ تشریح
اے اللہ اس میں کوئی شک نہیں کہ اپنے بندوں پہ تو ہی مہربانیاں فرماتا ہے اور ان کے بگڑے کام تو ہی سنوارتا ہے ، میرا بھی یہی عقیدہ و ایمان ہے اور بھروسہ بھی تجھی پہ ہے اور ساتھ یہ عاجزانہ دعا بھی تجھی سے ہے کہ میرا بگڑا کام صرف تیرے نبی ﷺ کے دیدار سے سنور سکتا ہے اے اللہ! تجھے قسم ہے اپنی عزت و بلندی کی مجھے اپنے حبیبؐ کا دیدار عطا کر دے۔ یا رسول اللہ!ﷺ
؂ تیری آرزو میں جینا تیری جستجو میں مرنا
یہ ہی میری زندگی ہے یہی میری بندگی ہے