عبرت فزا ہے شرم گنہ سے مرا سکوت

 

شعر نمبر 06
عبرت فزا ہے شرم گنہ سے مرا سکوت
گویا لب خموش لحد کا جواب ہوں                                
مشکل الفاظ کے معنی
*عبرت فزا -- (فاعلی ترکیب)نصیحت انگیز * سکوت --خاموشی * لب خموش لحد -- خموشی کی قبر کا کنارہ                                
ترجمہ و تشریح
اے میرے آقا ! میں اپنے گناہوں کے سبب شرم کی وجہ سے ایسا چپ ہو گیا ہوں کہ اب تو لوگ                     

 میری خموشی سے عبرت حاصل کرنے لگے ہیں جیسے قبر سے عبرت حاصل کی جاتی ہے کیونکہ قبر کی خموشی کی طرح ہی میرے ہونٹ ایسے خاموش ہیں کہ اپنی صفائی میں بھی حرکت نہیں کرتے اب آپ ﷺ ہی بتائیں میں کیا کروں؟
؂ ڈر تھا کہ عصیاں کی سزا اب ہو گی یا روز جزا
دی ان کی رحمت نے صدا یہ بھی نہیں وہ بھی نہیں
ستر ستر اور اسی اسی سال شرک ، کفر ، ظلم کے اندھروں میں رہنے والے جب دامن رحمت میں آئے تو میرے آقا کریم ﷺ کی نگاہ رحمت نے ان کو فرشتوں سے افضل بنا دیا اور 
؂ خود جو نہ تھے راہ پر اوروں کے رہبر بن گے
 اک نظر میں شاہ نے قطرے کو دریا کر دیا