کیا کیا ہیں تجھ سے ناز ترے قصر کو کہ میں

شعر نمبر 14
کیا کیا ہیں تجھ سے ناز ترے قصر کو کہ میں
کعبہ کی جان، عرش بریں کا جواب ہوںمشکل الفاظ کے معنی
*قصر -- محل * عرش بریں -- عرش معلی 
ترجمہ و تشریح
اے میرے پیارے آقا ! آپ ﷺ کے وجود با کمال سے آپ کے محل (روضہ اقدس ) کو کیسی شان عطا ہوئی کہ وہ ناز کر کے کہہ رہا ہے کہ میں کعبہ کی جان (کعبہ کا کعبہ) ہوں اور عرش معلی کا ہم رتبہ ہوں ۔ بلکہ علماء کا متفقہ فیصلہ ہے کہ آپ ﷺ جس جگہ تشریف فرما ہیں وہ جگہ کعبہ تو کعبہ عرش معلی سے بھی افضل و اعلیٰ ہے 
؂ جزم الجمیع بان خیر الارض ما قد احاط ذات المصطٰفی وحولھا
؂ کعبہ اے ریاض ا س کو بنا لوں گا میں دل کا
کہ نقش قدم مجھ کو نبی کا نظر آئے