دعویٰ ہے سب سے تیری شفاعت پہ بیشتر

شعر نمبر09
دعویٰ ہے سب سے تیری شفاعت پہ بیشتر
دفتر میں عاصیوں کے شہا انتخاب ہوں                   مشکل الفاظ کے معنی
*دفتر -- رجسٹر * عاصی --گنہگار * انتخاب -- منتخب شدہ، چنا ہوا،اول نمبر                    
ترجمہ و تشریح
اے میرے پیارے نبی! ویسے تو میری حالت یہ ہے کہ اگر گنہگاروں کے نامہ ہائے اعمال دیکھے جائیں تو میرا نام سب سے پہلے نمبر پہ ہو گا یعنی چنا ہوا منتخب شدہ اور سب سے بڑا گنہگار ہوں مگر آپ ﷺ کی رحمت کے سہارے پر آپ ﷺ کی شفاعت کے طلبگاروں میں بھی سب سے آگے ہوں کیونکہ آپ ﷺ کا فرمان ہے شفاعتی لا ھل الکبائر من امتی ۔ اور میں ان عاصیوں میں سے سب سے آگے ہوں۔
؂محشر میں آفتاب ادھر گرم اور ادھر
آنکھیں لگی ہیں دامن دلدار کی طرف                          
گو بے شمار جرم ہوں گو بے عدد گناہ
 کچھ غم نہیں جو تم ہو گنہگار کی طرف