مٹ جائے یہ خودی تو وہ جلوہ کہاں نہیں

شعر نمبر 11
مٹ جائے یہ خودی تو وہ جلوہ کہاں نہیں
دردا میں آپ اپنی نظر کا حجاب ہوں            مشکل الفاظ کے معنی
*خودی -- انانیت، خودغرضی * دردا --اے درد * حجاب -- پردہ 
ترجمہ و تشریح
دراصل یہ میری ہستی اور انانیت ہے جو میرے لیے حضور علیہ السلام کا جلوہ دیکھنے میں رکاٹ بنی ہوئی ہے اگر میری ہستی مٹ جائے اور میں فنافی الرسول ہو جاؤں تو آپ کا دیدار تو ہر جگہ ممکن ہے۔
امام جلال الدین سیوطیؒ نے الحادی للفتاویٰ ص۳۳ ج ۱ ۔ پہ ایک بزرگ ( شیخ خلیفہ بن موسیٰ نہر بلکی علیہ الرحمۃ) کے بارے میں لکھا ہے کہ وہ بیداری میں کثرت کے ساتھ حضور علیہ السلام کی زیارت کرتے تھے اور حضور علیہ السلام سے اکثر مسائل بھی پوچھتے تھے اور شیخ ابوالعباس مرسی کا فرمان ہے،
لوحجب عنی رسول اللہ ﷺ طرفۃ عین مااعددت نفسی من المسلمین۔
کہ اگر ایک لمحہ کے لیے بھی حضور علیہ السلام کو نہ دیکھوں تو اپنے آپ کو مسلمان نہیں سمجھتا ۔ ا ن سے کسی نے مصافحہ کرنا چاہا تو انہوں نے فرمایا 
ما صافحت بکفی ھذا الارسول اللہ ﷺ
اس ہاتھ سے میں نے حضور علیہ السلا م کے علاوہ کسی سے مصافحہ نہیں کیا
؂میں تجھے عالم اشیاء میں پا لیتا ہوں
 لوگ کہتے ہیں کہ عالم بالا تیرا                      
میری آنکھوں سے جو ڈھونڈیں تجھے ہر سو دیکھیں
 صرف خلوت میں جو کرتے ہیں نظارہ تیرا