صدقے ہوں اس پہ نار سے دے گا جو مخلصی

شعر نمبر 12
صدقے ہوں اس پہ نار سے دے گا جو مخلصی
                      بلبل نہیں کہ آتش گل پر کباب ہوں
مشکل الفاظ کے معنی
*صدقے ہوں -- قربان جاؤں * مخلصی --نجات ،آزادی * آتش گل -- وہ آگ جس کا شعلہ پھول کی شکل کا ہو 
ترجمہ و تشریح
میں اپنے آقا ﷺ کے قدموں پہ کیوں نہ قربان ہو جاؤں جو اپنی شفاعت کے ذریعے مجھے آگ سے بچا لیں گے میں وہ بے سہارا بلبل نہیں ہوں جو بیچاری آگ کے شعلے کو پھول سمجھ کر کباب بن جاتی ہے مجھے پھول کا جلوہ نہیں اللہ کے رسول ﷺ کا جلوہ چاہیے
؂ تیرہ دل کو جلوۂ ماہِ عرب درکار ہے 
                       چود ہویں کے چاند تیری چاندنی اچھی نہیں
ان کے در کی بھیک چھوڑی سروری کے واسطے 
                       ان کے در کی بھیک اچھی سروری اچھی نہیں 
                  (حسن رضا خان بریلوی)

Back to Conversion Tool