کلام نمبر 25 (شعر نمبر01) کیا ہی ذوق افزا شفاعت ہے تمہاری واہ واہ

کلام نمبر 25
 (شعر نمبر01) 
کیا ہی ذوق افزا شفاعت ہے تمہاری واہ واہ
قرض لیتی ہے گنہ پرہیز گاری واہ واہ                                  
مشکل الفاظ کے معنی
*ذوق افزا -- ذوق و شوق میں اضافہ کرنے والی * واہ واہ -- کلمہ تحسین، سبحان اللہ کیا بات ہے، کیا کہنے، بلے بلے * قرض ادھار * گنہ گناہ ،غلطی،خطا * پرہیزگاری تقویٰ
مفہوم و تشریح
ھُوَالْحَبِیْبُ الَّذِیْ تُرْ جیٰ شَفَاعَتُہ‘
لِکُلِّ ھَوْلٍ مِّنَ الْاَ ھْوَ الِ مُقْتَحِمٰ                        
واہ واہ! سبحان اللہ ! قربان جاؤں ! اے میرے شفاعت والے آقا ! ﷺ آپ کی بابرکت شفاعت کی تو بات ہی کیا ہے، اس قدر ذوق و شوق اور لذت و سرور میں اضافہ کر رہی ہے کہ پرہیز گاری بھی کچھ گناہ کسی گناہ گار سے بطور قرض لینے چل پڑی ہے۔
یعنی جب متقی و پرہیز گار لوگ قیامت والے دن حضور ﷺ کو گناہ گاروں کی شفاعت کرتا ہوا دیکھیں گے تو تمنا کریں گے کہ بجائے اپنی پرہیز گاری سے جنت میں جانے سے اچھا ہوتا کہ حضور ﷺ کی شفاعت سے جنت میں جاتے پھر یہ سعادت حاصل کرنے کے لیے وہ کسی گناہ گار کو کہیں گے یار! تھوڑے گناہ ہمیں بھی بطور قرض دینا تاکہ ہم بھی حضور ﷺ کی شفاعت کا مزہ لے کر جنت میں جائیں
؂ تمہاری زلف پہ چمکی تو حسن ٹھہرائی
 وہ تیرگی جو میرے نامہء سیاہ میں تھی               
شفاعت کی بھیک مانگنے والوں میں صرف ہم جیسے گناہ گار ہی نہیں بلکہ عطائے رسول ، ہندالولی ، غریب نواز، خواجہء خواجگان اور ننانوے لاکھ کافروں کو کلمہ پڑھانے والے حضرت خواجہ معین الدین چشتی اجمیری جیسے بھی شامل ہیں آپؒ عرض کرتے ہیں۔
؂ از محمد دیدہ باید فرض کردن در بہشت 
چونکہ بیروں آید انوار تجلی از حساب                        
یا رسول اللہ! شفاعت از تو میدارم امید
 باوجود صد ہزاراں جرم در روز حساب                    
شاید اسی تڑپ کا اظہار امام اہل سنت کے برادر خورد حضرت مولانا حسن رضا خان بریلوی رحمۃ اللہ علیہ نے مندرجہ ذیل اشعار میں فرمایا 
؂ محشر میں کسی نے بھی میری بات نہ پوچھی
 حامی نظر آیا تو بس اک تو نظر آیا                                 
بازار قیامت میں جنہیں کوئی نہ پوچھے
 ایسو ں کا خریدار ہمیں تو نظر آیا                               
ظاہر ہیں حسن احمد مختار کے معنی
 کونین پہ سرکار کا قابو نظر آیا                            
(ذوق نعت)                                                                        

آخر مسجد نبویﷺ میں ممتاز قادری کے نعرے کس نے لگوائے

Suntay Hain Ke Mehshar Mein ترجمہ و تشریح کی ساتھ

Khudi Ka Sirr e Nehan Kalam i Iqbal By Ahmad Raza Qadri

Tilawat e Quran Surah e Mulk Voice Asad Raza Attari Al Madani YouTube

295C Mein Tabdeeli Hai Na Manzoor

(شعر نمبر15) مطلع میں یہ شک کیا تھا واللہ رضاؔ واللہ

(شعر نمبر15) 
مطلع میں یہ شک کیا تھا واللہ رضاؔ واللہ
صرف ان کی رسائی ہے صرف ان کی رسائی ہے                             
مشکل الفاظ کے معنی
*مطلع -- (جائے طلوع) غزل یا نعت کا پہلا شعر * واللہ -- اللہ کی قسم
مفہوم و تشریح
کوئی یہ نہ سمجھے کہ میں احمد رضا اپنی نعت کے پہلے شعر جو یہ کہہ آیا ہوں کہ ’’میدان محشر میں صرف حضور ہی کی بارگاہ الہی میں رسائی ہے‘‘ شاید میں نے کوئی غلط بات کی ہے یا اب پچھتا رہا ہوں کہ کیوں کہہ دیا، اگر کسی کو اس عقیدے میں شک ہو تو وہ اپنا شک نکال دے۔ خدا کی قسم ! ہاں ہاں اللہ کی قسم ! قرآن و حدیث کا نچوڑ ہے یہ عقیدہ کہ
؂                        صرف ان کی رسائی ہے صرف ان کی رسائی ہے
واہ واہ اے گدائے درِ خیرالوریٰ احمد رضا ! آپؒ کی قبر انور پہ اللہ رب العزت کروڑوں رحمتیں نازل فرمائے آپؒ نے ہمیں کتنا ٹھوس عقیدۂ نجات عطا کیا ہے ،یقیناً آپؒ درِ مصطفی ﷺ کے وہ عظیم الشان منگتے ہے کہ جن کے بارے میں کہا گیا ہے ،
؂ زمانے کے سکندر ہیں سخی دربار کے منگتے
 نرالی شان رکھتے ہیں نبی مختار کے منگتے                               
گدائے مصطفی کی عظمتیں اللہ سے پوچھ
 شہنشاہوں سے اچھے ہیں میری سرکار کے منگتے                             

(شعر نمبر14) طیبہ نہ سہی افضل مکہ ہی بڑا زاہد

(شعر نمبر14) 
طیبہ نہ سہی افضل مکہ ہی بڑا زاہد
ہم عشق کے بندے ہیں کیوں بات بڑھائی ہے                  
مشکل الفاظ کے معنی
*طیبہ -- مدینہ* افضل -- فضیلت میں زیادہو برتر *زاہد -- عبادت گزار * بات بڑھانا -- بحث وتکرار کرنا،بات لمبی کرنا
مفہوم و تشریح
اے خشکی کے مارے عبادت گزار اور نیم ملاں خطرہ ایمان ! ہم سے جھگڑ ا نہ کر کہ ! مکہ افضل ہے کہ مدینہ؟ تیری ہی مان لیتا ہوں کہ مکہ ہی افضل سہی! مدینہ نہ سہی! ( مگر یہ تو بتا کہ مکہ کو افضل بنایا کس نے ہے، کس کی وجہ سے اللہ رب العزت مکہ کی قسمیں یاد فرما رہا ہے؟ رانست حل بھذا لبلد۔ اس لیے کہ ان گلیوں میں محبوب دو عالم ﷺ کے قدم مبارک لگے ہوئے ہیں) اچھا اچھا ! چل ، جا ! بحث نہ کر ہم عشق والوں سے تکرار کرنے کی ضرورت نہیں ہے تو صرف مکے کی بات کرتا ہے مکے کو بنانے والے حضرت خلیل علیہ اسلام میں اور اگر مدینے والا نہ ہوتا تو۔
؂ہوتے کہاں خلیل و بنا کعبہ و منی

 لولاک والے صاحبی سب تیرے گھر کی ہے کی ہے                         
اور ہاں ہاں ارئے زاہد!
؂ غور سے سن تو رضا ؔ کعبہ سے آتی ہے صدا
میری آنکھوں سے میرے پیارے کا روضہ دیکھو                    

(شعر نمبر13) ہم دل جلے ہیں کس کے ہٹ فتنوں کے پر کالے

(شعر نمبر13) 
ہم دل جلے ہیں کس کے ہٹ فتنوں کے پر کالے
کیوں پھونک دوں اک اُف سے کیا آگ لگائی ہے                     
مشکل الفاظ کے معنی
*ہٹ -- ضد دور ہو * پر کالے -- چنگاری،ٹکڑایا سیاہ پر * پھونک دوں -- بجھا دوں 
* اُف -- پھونک کی آواز
مفہوم و تشریح
اے مخالف ! ہم دل جلے عاشق تو ہیں لیکن تو جانتا بھی ہے کہ کس کے (اپنے محبوب ﷺ کے ) تو پیچھے ہٹ جا اے فتنوں کی چنگاری ! میں تجھے ایک پھونک سے جلا کر راکھ کر دوں یہ تو نے کیا بدعقیدگی کی آگ لگا رکھی ہے۔

(شعر نمبر12) حرص و ہوس بد سے دل تو بھی ستم کر لے

(شعر نمبر12) 
حرص و ہوس بد سے دل تو بھی ستم کر لے
تو ہی نہیں بیگانہ دنیا ہی پرائی ہے                                      
مشکل الفاظ کے معنی
*حرص و ہوس -- طمع و لالچ * بد -- بڑا * ستم ظلم * بیگانہ پرایہ ،غیر اجنبی
مفہوم و تشریح
اے دل ! بُڑے لالچ اور طمع کے ساتھ جتنا ظلم کر سکتا ہے کر لے کیونکہ بیگانہ اور اجنبی تو سارا زمانہ ہے صرف تو ہی تو نہیں ہے ، یہ مطلب بھی ہو سکتا ہے کہ جب ساری دنیا کا ظلم سہ رہا ہو ں تو ایک تیرا بھی سہ لوں گا تو بھی شوق پورا کر لے۔

(شعر نمبر11) اے عشق ترے صدقے جلنے سے چُھٹے سستے

(شعر نمبر11) 
اے عشق ترے صدقے جلنے سے چُھٹے سستے
جو آگ بجا دے گی وہ آگ لگائی ہے                           
مشکل الفاظ کے معنی
*صدقے -- قربان * چھٹے -- آزاد ہوئے،رہا ہوئے ،چھٹکارا پایا 
مفہوم و تشریح
اے عشق مصطفی ﷺ اور غم رسول! ﷺ میں تجھ پہ قربان تو نے ہمارے دل کو جو فراق و غم رسول ﷺ کی آگ لگائی اس کا یہ فائدہ ہوا کہ جہنم سے چھٹکارا پا گئے کیونکہ تیری آگ نے جہنم کی آگ کو بھی بجا دیا ہے، العشق نار یحرق ما سوی اللہ 
عشق ایک ایسی آگ ہے جو ماسوی اللہ کو بھسم کر کے رکھ دیتی ہے۔
حدیث شریف میں ہے کہ مومن جب پل صراط سے گزرے گا تو دوذخ پکارے گی کہ جلدی گزر تیرے نور ایمان کی ٹھنڈک سے میری آگ سرد ہو رہی ہے۔ 
؂ غم مصطفی تیرا شکریہ میں کہاں کہاں سے گزر گیا

شعر نمبر 10

(شعر نمبر09) مجرم کو نہ شرماؤ احباب کفن ڈھک دو

(شعر نمبر09) 

مجرم کو نہ شرماؤ احباب کفن ڈھک دو

منہ دیکھ کہ کیا ہو گا پردے میں بھلائی ہے                             

مشکل الفاظ کے معنی

*احباب -- دوست ،پیارے * ڈھک دو -- بند کر دو 

مفہوم و تشریح

اے دوستو! مرنے کے بعد بار بار میرا چہرہ کھول کہ کیا دیکھتے ہو؟ میں مجرم و سیاہ کار ہوں مجھے کیوں شرمندہ کرتے ہو، کفن سے میرا چہرہ ڈھانپ دو یہ مجرم اس قابل نہیں کہ بار بار اس کا منہ ننگا کر کے اس کو رسوا کیا جائے، اس کی بھلائی اسی میں ہے کہ اس کو پردے میں ہی رہنے دیا جائے۔

؂ ڈر تھا کہ عصیاں کی سزا اب ہو گی یا روز جزا 

دی ان کی رحمت نے صدا یہ بھی نہیں وہ بھی نہیں                       

اعلیٰ حضرت امام اہل سنت مجدد دین و ملت مولانا شاہ احمد رضا خان فاضل بریلوی رحمۃ اللہ علیہ تقویٰ و طہارت کا کوہ گراں ، صبر و استقامت کا پہاڑ اور نیکی و پرہیز گاری کا پیکر ہونے کے باوجود اپنے آپ کو کس انداز میں پیش کر رہے ہیں اس سے موجود دور کے نکمے و نالائق مگر اونچے اونچے دعوے کرنے والے نام نہاد مشائخ کو ضرور سبق لینا چاہیے کہ بلندی عاجزی میں ہے ارشاد باری تعالیٰ ہے

فلاتزکو انفسکم ھوا علم بمن اتقی۔ اپنے آپ کو پاکیزہ مت ظاہر کرو اللہ جانتا ہے کون پرہیزگار ہے۔

شرق سے لے کر غرب تک جن کی سلطنت کا شور تھا 

دم بخود دو گز زمین میں ان کو دیکھا ایک دن                                  

ہر کمالے راز والے سچ ہے غافل ہوشیار 

بڑے بڑے اس خاک میں دیکھیں گے خود کو ایک دن                           

بولی خلوت میں اجل دولہا دولہن سے وقت عیش 

ہے تمہیں بھی قبر کے گوشے میں سونا ایک دن                         

(شعر نمبر08) اے دل یہ سلگنا کیا جلنا ہے تو جل بھی اُٹھ

(شعر نمبر08) 
اے دل یہ سلگنا کیا جلنا ہے تو جل بھی اُٹھ
دم گھٹنے لگا ظالم کیا دھونی رمائی ہے                                    
مشکل الفاظ کے معنی
*سلگنا -- اندر ہی اندر جلتے رہنا * جلنا -- ایک دم آگ لگ جانا 
*دھونی رمائی ہے -- دھونی لی ہوئی ہے
مفہوم و تشریح
اے دل ! تیری یہ عادت مجھے ہرگز پسند نہیں ہے جو تو اندر ہی اندر سلگتا (کڑھتا) رہتا ہے اگر تجھے جلنا ہے تو جل کر راکھ ہو جا تاکہ قصہ ہی ختم ہو، یہ کیا آہستہ آہستہ دھواں نکالتا رہتا ہے جس سے دم گھٹنے لگتا ہے اور بجائے سرور و انبساط ملنے کی بدمزگی اور بے چینی پیدا ہوتی ہے۔
؂     دل درد سے بسمل کی طرح لوٹ رہا ہے 
سینے پہ تسلی کو ترا ہاتھ دھرا ہو                                 
گر وقت اجل سر تیری چوکھٹ پہ پڑا ہو     
جتنی ہو قضا ایک ہی سجدے میں ادا ہو                              

(شعر نمبر07) گرتے ہوؤں کو مژدہ سجدے میں گرے مولا

(شعر نمبر07) 
گرتے ہوؤں کو مژدہ سجدے میں گرے مولا
رو رو کے شفاعت کی تمہید اُٹھائی ہے                                  
مشکل الفاظ کے معنی
*مژدہ -- خوشخبری * تمہید -- مہد سے ہے بمعنی گود
مفہوم و تشریح
اے جہنم میں گرنے کے قابل گناہ گارو! یا گناہوں کی پھسلن سے گرنے والے مجرمو! مبارک ہو! دیکھو تو! آقا نے سجدے میں سر ا نور رکھ کر باب شفاعت کھول دیا ہے اور دیکھو! رو رو کر زلفیں بکھیر کر اللہ رب العزت کی حمد و ثنا ایسے پیارے انداز میں شروع کی ہے (کمافی الحدیث) کہ اللہ کو ترس آ گیا ہے اور اس نے اعلان فرما دیا ہے کہ ؂ 
؂ اب تو سجدے سے سر کو اُٹھا لو 

آپ کی ساری امت بری ہے                                  

نہ میں نے کسی کا خون بہایا ا امیر المجاہدین حضرت علامہ مولانا خادم حسین ...

(شعر نمبر06) بازارِ عمل میں تو سودا نہ بنا اپنا

(شعر نمبر06) 
بازارِ عمل میں تو سودا نہ بنا اپنا
سرکارِ کرم تجھ میں عیبی کی سمائی ہے                        مشکل الفاظ کے معنی
*سودا -- سامان ، حساب کتاب،قیمت * عیبی -- روگی، گناہگار * سمائی -- وسعت، گنجائش
مفہوم و تشریح
اے میرے پیارے آقا و مولیٰ! ﷺ عمل کے لحاظ سے تو ہم بالکل نکمے ہیں، کوئی نیکی ہے نہ کوئی تیاری ، اے آقا ! ﷺ کرم فرمائیے اگر آپ ہم جیسے عیبیوں کو نہ سنبھالیں گے تو کون سنھبالے گا آپ ﷺ کے دامن کرم میں تو مجھ جیسے کروڑوں سما سکتے ہیں اور ایسے چھپیں گے کہ پھر
؂      ڈھونڈا ہی کریں صدر قیامت کے سپاہی

  وہ کس کو ملے جو تیرے دامن میں چھپا ہو                    
؂     میرے اعمال کا بدلا تو جہنم ہی تھا
میں تو جاتا مجھے سرکار نے جانے نہ دیا                      

(شعر نمبر05) زائر بھی گئے کب کے دن ڈھلنے پہ ہے پیارے

(شعر نمبر05) 
زائر بھی گئے کب کے دن ڈھلنے پہ ہے پیارے 
اٹھ میرے اکیلے چل کیا دیر لگائی ہے                                       
مشکل الفاظ کے معنی
*زائر -- زیارت کرنے والا * دن ڈھلنے پہ -- سورج غروب ہونے کے قریب
مفہوم و تشریح
مدینہ شریف کی زیارت کرنے والے تو کب کے جا چکے ہیں اور (اے احمد رضا) تو ابھی آرام سے بیٹھا ہوا ہے ( زندگی کا) سورج غروب          ہونے کے قریب ہے، اُٹھ دیر نہ لگا اور اگر کوئی ساتھ نہیں بھی ہے تو اکیلا ہی سوئے مدینہ روانہ ہو جا۔
فکر آخرت
اس شعر میں شوق زیارت مدینہ کے ساتھ ساتھ فکر آخرت کا سبق دیا گیا ہے، جو کہ اہل اللہ کا ہر دور میں سب سے بڑا غم رہا ہے بلکہ امام المعصومین سید الا نبیاء ﷺ بھی تعلیم امت کے لیے اس سلسلہ میں فکر مند رہتے تھے اور اہتمام فرماتے ۔

جب حکومتی لعنتی نے عوام پر پانی پھنکا

Wo Soye Lala Zar Phirtay Hain ترجمہ و تشریح کی ساتھ

(شعر نمبر04) یوں تو سب انہیں کا ہے پر دل کی اگر پوچھو

  

(شعر نمبر04) 
یوں تو سب انہیں کا ہے پر دل کی اگر پوچھو
یہ ٹوٹے ہوئے دل ہی خاص ان کی کمائی ہے                            
مشکل الفاظ کے معنی
*توٹے ہوئے دل -- زخمی و مجروح ( اللہ و رسول ﷺ کے عشق میں چورچور ) دل * کمائی -- آمدنی
مفہوم و تشریح
ویسے تو ہماری ہر شے سرکار مدینہ ﷺ ہی کے لیے ہے کیونکہ انہی کے صدقے سے ہر نعمت ملی ہے مگر ہمارا ٹوٹا ہو ا اور زخمی دل خاص انہی کی محبت کے لیے ہے، اس میں کوئی اور نہیں سما سکتا یا مطلب یہ ہے کہ اس کی ان کی بارگاہ میں بہت اہمت ہے۔
بعض صوفیاء کرام نے ایک حدیث قدسی کتب تصوف میں نقل فرمائی ہے کہ اللہ تعالیٰ فرماتا ہے انا عند المنکسرۃقلوبھم۔
میں (اپنی محبت میں ) ٹوٹے ہوئے دلوں کے پاس رہتا ہوں۔
؂     یہ دل بھی تمہارا ہے یہ جاں بھی تمہاری ہے                                        

(شعر نمبر03) سب نے صف محشر میں للکار دیا ہم کو

(شعر نمبر03) 
سب نے صف محشر میں للکار دیا ہم کو
اے بیکیسوں کے آقا اب تیری دہائی ہے                          
مشکل الفاظ کے معنی
*للکار دیا -- جھڑک دیا * بے کس-- مجبور ع عاجز * آقا -- والی، مددگار 
مفہوم و تشریح
تمام انبیاء کرام اور مرسلین عظام علیھم السلام نے تو میدان محشر کی صف سے ہمیں جھڑک کے نکال دیا ہے کی جاؤ ! ہم تمہاری شفاعت نہیں کر سکتے ( تم اتنے بڑے مجرم ہو کہ ہماری شفاعت سے تمہارا کام نہ ہو سکے گا) اے محتاجوں کے آقا و مولیٰ ﷺ اب آپ ہی کی بارگاہ میں فریاد ہے
؂ جس کا بھری دنیا میں کوئی بھی نہ ہو والی
اس کو بھی میرے آقا سینے سے لگاتے ہیں                          

(شعر نمبر02) مچلا ہے کہ رحمت نے امید بند ہائی ہے

(شعر نمبر02) 
مچلا ہے کہ رحمت نے امید بند ہائی ہے
کیا بات تیری مجرم کیا بات بن آئی ہے                           
مشکل الفاظ کے معنی
*مچلا ہے -- ضدکر بیٹھاہے * امید بندھانا-- کام ہو جانے کی تسلی دینا * کیا بات-- واہ واہ 
مفہوم و تشریح
اے مجرم! تو اس لیے ضد کر بیٹھا ہے ناں کہ ان کی رحمت کسی کو مایوس نہیں کرتی ! تیرے مقدر پہ قربان اے گنہ گار ! تو نے بھی خوب تاویلیں کر کے عذر اور بہانے بنا کے بات ایسی بنائی ہے کہ تیرے گناہ نیکیاں ہو گئے اور تو ہاری بازی جیت گیا۔ 
فاولنک یبدل اللّٰہ سیاتھم حسنات 

(شعر نمبر01) سنتے ہیں کہ محشر میں صرف اُن کی رسائی ہے

(شعر نمبر01) 
سنتے ہیں کہ محشر میں صرف اُن کی رسائی ہے
اگر اُن کی رسائی ہے لو جب تو بن آئی ہے                                      
مشکل الفاظ کے معنی
*رسائی -- پہنچ، گذر، واقفیت * لو-- برائے امید، ہاں * بن آئی-- کام ہو گیا 
مفہوم و تشریح
(ارے گناہ گارو! کچھ سنا ! ) پتہ چلا ہے کہ محشر کے دن صرف حضور ﷺ ہی کی اللہ رب العزت کی بارگاہ تک پہنچ ہے ( باقی تمام انبیاء تو اذھبو الی غیری فرمائیں گے کہ کسی اور کے پاس جاؤ ! صرف حضور ﷺ ہی انالھا فرمائیں گے کہ میں ہوں اس کارِ شفاعت کے لیے) اچھا بھئی گناہ گارو! اگر صرف حضور ﷺ ہی کی رسائی ہے تو کام بالکل آسان ہو گیا ہے حضور ﷺ تو پھر اپنے ہی ہیں ۔ ان پر تو ہماری تکلیف گراں گزرتی ہے عزیز علیہ ما عنتم۔
؂دکھائی جائے گی محشر میں شانِ محبوبی کہ 
آپ ہی کی خوشی آپ کا کہا ہو گا                               
خداے پاک کی چاہیں گے اگلے پچھلے خوشی 
خداے پاک خوشی اُن کی چاہتا ہو گا                             
کسی کے پاؤں کی بیڑی یہ کاٹتے ہوں گے 
کوئی اسیرِ غم اُن کو پکارتا ہو گا                           
کسی طرف سے صدا آئے گی حضور آؤ
 نہیں تو دَم میں غریبوں کا فیصلہ ہو گا                      
کسی کے پلّہ پہ یہ ہوں گے وقتِ وزنِ عمل 
کوئی اُمید سے منہ اُن کا تک رہا ہو گا                       
کوئی کہے گا دہائی ہے یَا رَسُوْلَ اللہ ت
توکوئی تھام کے دامن مچل گیا ہو گا                         

Allama khadim Hussain Rizvi Urs Ghazi Amir Abdur Rehman Cheema Shaheed...

(شعر نمبر16) کوئی کیوں پوچھے تیری بات رضاؔ

(شعر نمبر16) 
کوئی کیوں پوچھے تیری بات رضاؔ 
تجھ سے کتے ہزار پھرتے ہیں                                  
مشکل الفاظ کے معنی
*بات -- سدعا، گزارش * تجھ سے-- تیرے جیسے 
مفہوم و تشریح
اے (گدائے مصطفی ﷺ ) احمد رضا ؒ تو کیا اور تیری حقیقت کیا تجھ سے ہزاروں سگ مدینہ کی گلیوں میں پھر رہے ہیں ۔ بعض عاشقان مصطفی ﷺ (اعلیٰ حضرتؒ ) یہاں کتے کی بجائے اوباً کتے کہف کے کسرہ سے پڑھتے ہیں ان کا زوق اپنی جگہ لیکن اعلیٰ حضرت رحمۃ اللہ علیہ کی روح تبھی خوش ہو گی جب جو انہوں نے کہا ہے وہ پڑھا جائے۔
دہلی گیٹ پرانے حزب الا ضاف میں قاری غلام رسول صاحب کتے پڑھا تو مولانا عبد الغفور ہزاروی نے فرمایا وہی پڑھ جو اعلیٰ حضرتؒ نے کہا پھر انہوں نے کئی بار کتے پڑھا تو عجیب منظر تھا کہ ہر طرف چیخوں کی آواز آ رہی تھی ( برایت فقیر سلطانی علیہ الرحمۃ شیخوپورا) جب حضور علیہ السلام کی محبت میں کوئی عاشق یہاں تک اتر آتا ہے تو پھر اس پر ضرور کرم ہوتا ہے جیسے اس نعت کے پہلے شعر میں لکھا گیا ہے کہ اعلیٰ حضرتؒ کو سرکار ﷺ کی زیارت بیداری میں نصیب ہو گئی۔

(شعر نمبر15) نفس یہ کوئی چال ہے ظالم

(شعر نمبر15) 
نفس یہ کوئی چال ہے ظالم
جیسے خاصے بجار پھرتے ہیں                      
مشکل الفاظ کے معنی
*خاصے -- اچھے بھلے * بجار-- زبردست، سانڈ 
مفہوم و تشریح
اے دھوکے باز نفس امارہ! یہ بھی تیری کوئی چال ہی لگتی ہے کہ تو نے بڑے بڑوں کے گھر اُجاڑ دئیے ہیں، مطلب یہ ہے کہ اے نفس ظالم تیری دھوکہ دہی اور شرارت طشت از بام ہو چکی ہے تو جیسی چال بھی چل کہ آئے گا ؂ من اندا ز قدت رامی شناسم میں تجھے تیرے قدموں سے پہچان لوں گا۔
کیونکہ میرے ہاتھ میں ان اہل اللہ کا دامن ہے کہ جن کی طاقت کو الا عبادک منھم المخلصین کہہ کر تو بھی مان چکا ہے لہٰذا تیرا طاقتور ہونا میرے لیے مضر نہیں ہے۔ 

( واللہ تعالیٰ اعلم)

(شعر نمبر14) جاگ سنسان بن ہے رات آئی

(شعر نمبر14) 
جاگ سنسان بن ہے رات آئی
گرگ بہر شکار پھرتے ہیں                         
مشکل الفاظ کے معنی
*سنسان -- ویران ، اجاڑ * بن-- جنگل *گرگ -- بھیڑیا *بہر -- واسطے 
مفہوم و تشریح
اے غافل انسان ! ہوشیار و خبردار رہ، کیونکہ تو (دنیا کے) ویران جنگل میں ہے اور یہاں بڑے بڑے بھیڑئیے (ذیاب فی ثیاب) تیرا شکار کرنے نکلے ہوئے ہیں۔ اور اگر ان سے بچ بھی گیا تو نفس و شیطان موقع پا کر تیری آخرت کہیں برباد نہ کر دیں۔ 
؂ امیدوار رحمت سرکار میں بھی ہوں 
آقا ! کرم کر و خطا کار میں بھی ہوں                      
جب رحمت تمام ہے ہم سب کا آسرا 
پھر مجھ کو ناز ہے کہ گنہگار میں بھی ہوں                       
(منیر قصوری)

(شعر نمبر13) بائیں رستے نہ جا مسافر سن

(شعر نمبر13) 
بائیں رستے نہ جا مسافر سن
مال ہے راہ مار پھرتے ہیں                            
مشکل الفاظ کے معنی
راہ مار -- ڈاکو ،لٹیرا 
مفہوم و تشریح
اے دنیا کے چند روزہ مسافر ! اگر تیرے سینے میں عشق و محبت مصطفی ﷺ کی دولت ہے تو بائیں ( اصحاب الشمال) والے راستے کی طرف نہ جا کیونکہ اس راستے پر ( بڑے بڑے جبہ و دستار ، وارثان منبر و محراب ) بھیس بدل کر ڈاکہ زنی ، ٹھگ بازی میں مصروف کار ہیں کہیں عشق رسول ﷺ کی دولت لٹ نہ جائے ۔
چنانچہ دیکھا گیا ہے کہ چند دن بدمذہبوں کے پاس بیٹھنے والا جتنا بھی پکا ہو پلا ہو کر واپس آتا ہے ۔

؂ الیہ تو جھی ولہ امتنادی

  وفیہ مطامعی عبہ اعتصامی                            

اجرنی سیدی من ضیم سقم

 اشد علی من وقع الحسام                            

وذکرک سیدی حرزی و حصتی

 اتیہ بسہ علی الجیش اللھام                           

( شاہ عند العزیز محدث دہلوی)                                                                  
حضور ﷺ ہی کی طرف میری توجہ ہے، اور آپ ﷺ پر ہی میرا اعتماد ہے۔ انہی کی ذات میری تمناؤں کا مرکز ہے اور میں نے آپ ﷺ ہی کا دامن تھاما ہوا ہے۔ اے میرے آقا مجھے نجات دلوائیے اس بیماری کے ظلم سے جو مجھ پر تلوار کے وار سے بھی زیادہ شدید ہے ، اے میرے نبی ! آپ ﷺ کا تذکرہ میرے لیے حرزجاں ہے اور میرا مضبوط قلعہ ہے اسی سے میں بڑے بڑے لشکروں پر ہلاکت برساؤں گا۔
؂ اے خاصہء خاصان رسل وقت دعا ہے

 امت پہ تیری آ کے عجب وقت پڑا ہے                         
جو دین بڑی دھوم سے نکلا تھا وطن سے

 پردیس میں وہ آج غریب الغرباء ہے                          

Peer Ghulam Rasool Qasami Azmat Quran conference sargodha

(شعر نمبر11) رکھئے جیسے ہیں خانہ زاد ہیں ہم

                        (شعر نمبر11) 

رکھئے جیسے ہیں خانہ زاد ہیں ہم

                   مول کے عیب دار پھرتے ہیں

مشکل الفاظ کے معنی

*خانہ زاد -- گھر میں ہی پیدا ہونے والا غلام * مول -- قیمت * عیب دار --عیب والا

مفہوم و تشریح

اے میرے پیارے آقا ! ﷺ ہم جیسے بھی ہیں نکمے ہیں یا کام کے ، ہمیں اپنی بارگاہ میں ہی رکھیئے کیونکہ ہم تو آپ ﷺ ہی کے ٹکڑوں پہ پلے ہوئے ہیں اور آپ ﷺ کے در کے غلام ابن غلام ہیں اور آپ ﷺ اگر بیچیں گے بھی تو بھلا ہم جیسے عیبیوں کو کون خریدے گا، اچھے بھلے قیمت والے مارے مارے پھر رہے ہیں اور ذلیل و خوار ہو رہے ہیں تو ہمارا کیا بنے گا۔

؂ تیرے ٹکڑوں پہ پلے غیر کی ٹھوکر پہ ڈال

                جھڑکیاں کھائیں کہاں چھوڑ کے صدقہ تیرا

(شعر نمبر12) ہائے غافل وہ کیا جگہ ہے جہاں

(شعر نمبر12) 
ہائے غافل وہ کیا جگہ ہے جہاں
پانچ جاتے ہیں چار پھرتے ہیں                   
مشکل الفاظ کے معنی
*ہائے -- کلمہ افسوس * غافل -- غفلت میں پڑا ہوا 
مفہوم و تشریح
اے عظمت مدینہ سے غافل ! تجھے پہ بہت افسوس ہے کہ تو نے حا ضری مدینہ کی قدر و مزلت نہیں جانی یہ تو وہ آستانہ ہے کہ جہاں قدسیوں کی لائنیں لگی ہوئی ہیں اور پانچ پانچ چار چار ہو کر حاضری سے فیض یاب ہو رہے ہیں عمومًا مزارات پہ لائنوں میں ایک ایک زائر حاضری دیتا ہے، مگر یہاں کئی کئی لائنیں تو فرشتوں کی ہیں او ر انسانوں کا ٹھاٹھیں مارتا ہوا سمندر اس کے علاوہ ہے
یا اس شعر کا مطلب یہ ہے کہ اے موت سے بے خبر ہو کر غفلت کی نیند سونے والے نادان! ہوش کر اپنے ارد گرد دیکھتا نہیں نہ جانے کتنے جنازے تیری آنکھوں کے سامنے اُٹھے اور گلیوں سے پھرتے پھراتے قبروں میں اُتار دیے جاتے ہیں۔ کبھی غور کیا کہ میت چار کندوں پہ جاتی ہے اور واپسی پہ وہی چار کندے خالی واپس آتے ہیں پانچوں تو قبر میں ہی رہ جاتا ہے۔ لہذا اس سے پہلے پہلے کہ لوگ تیری بھی میت کو لے کر قبرستان کی طرف جائیں تو اللہ رب العزت اور اس کے محبوب کو راضی کر لے اگر ہو سکے مدینے میں اپنی زندگی کے آخری ایام گزر تاکہ آقا ﷺ کی شفاعت نصیب ہو سکے 
(عقیدہ درست ہونا شرط ہے) 

(شعر نمبر10) ورد یاں بولتے ہیں ہر کارے

(شعر نمبر10) 

ورد یاں بولتے ہیں ہر کارے

پہرہ دیتے سوار پھرتے ہیں                     

مشکل الفاظ کے معنی

*وردیاں -- باجا ( یا درویوں ہے یعنی اس طرح وظیفہ پڑھتے ہیں) * ہرکارے -- ہر کارہ کی جمع بمعنی اعلان کرنے والا ، پیغام رساں ، قاصد ( یاکارے بمعنی پیادہ) 

مفہوم و تشریح

کئی فرشتے ( پیادہ یا سپاہی یا پیغام رسانی کی ڈیوٹی دینے والے ) آپ ﷺ کی بارگاہ کے باہر نوبت بجا کر حضور ﷺ کے کرم و رحمت کا اعلان کر رہے ہیں اور کئی دوسرے نور کی سواریوں پہ سوار پہ سوار ہو کر آپ ﷺ کے شہر کا پہرہ دے رہے ہیں اور ساتھ

ان اللہ و ملائکۃ یصلون علی النبی۔

کا عمل بھی جاری رکھے ہوئے ہیں اور اپنی خدمت پہ نازکناں ہو کر کہہ رہے ہیں ۔

؂مل گئے مصطفی اور کیا چاہیے

حدیث شریف میں ہے ۔

علی کل نقب منھا ملک لا ید خلھا الدجال ولا الطا عون ۔( خلاصۃ الوفاء

مدینہ کے ہر راستے پر ایک فرشتہ معین ہے جو نہ دجال کو مدینے میں داخل نہ ہونے دے گا نہ طاعون کی وبا کو 

(شعر نمبر09) لاکھوں قدسی ہیں کام خدمت میں

(شعر نمبر09) 
لاکھوں قدسی ہیں کام خدمت میں
لاکھوں گرد مزار پھرتے ہیں                          
مشکل الفاظ کے معنی
*کام خدمت -- نوکری * گرد مزار -- روضہ پاک کے اردگرد 
مفہوم و تشریح
سرکارِ مدینہ علیہ السلام کی بارگاہ میں ہر وقت فرشتوں کا ہجوم رہتا ہے ہر کسی کے ذمے کوئی نہ کوئی خدمت ہے اور لاکھوں روضہ انور کے گرد چکر لگا رہے ہیں اور وجد کے عالم میں جھوم کر عرض کر رہے ہیں۔
؂ جنت نہ جنت کی کلیوں میں دیکھا

 مزا جو مدینے کی گلیوں میں دیکھا                                

Madina Chor K Ab Un Ka Dewana Na Jay Ga Qari Asad Raza Attari Al Madan...

Rasool Allah ﷺ Ne Farmaya Bad'tareen Hai Wo insaan Ustaad Mohtaram Ameer...

(شعر نمبر08) پھول کیا دیکھوں میری آنکھوں میں

(شعر نمبر08) 

پھول کیا دیکھوں میری آنکھوں میں

دشت طیبہ کے خار پھرتے ہیں                              

مشکل الفاظ کے معنی

*دشت طیبہ -- مدینے کا جنگل * خار -- کانٹا 

مفہوم و تشریح

اے پھولو! مجھے معذور سمجھو، میں تمہیں نہیں دیکھ سکتا کیوں کہ میری آنکھوں میں مدینے کے کانٹے ایسے بس گئے ہیں کہ اب دنیا کے پھولوں سے زیادہ مدینے کے کانٹوں کی محبت دل میں سما گئی ہے۔

علم و حکمت کے بے تاج بادشاہ، عظیم المرتبت محدث، فقیہہ اعظم، پاسبانِ ناموسِ رسالت ﷺ ، امام اہل سنت ، اعلیٰ حضرت امام احمد رضا خان فاضل بریلوی رحمۃ اللہ علیہ نے اپنے اشعار میں نبی اکرم ﷺ سے محبت کی وہ داستاں رقم کی کہ قیامت تک عاشقان رسول ﷺ کے دلوں کو عشق رسول ﷺ سے معطر کرتے رہے گی۔ ایک جگہ مزید فرماتے ہیں 

؂’’خارِ صحرائے مدینہ نہ نکل جائے کہیں

وحشتِ دل نہ پھرا بے سر و ساماں ہم کو‘‘                    

؂ خارِ صحرائے نبی پاؤں سے کیا کام تجھے

آ مِری جان مِرے دل میں ہے رستہ تیرا                    

 (مولانا حسن رضا خان)                       

؂ درد جو مجھ کو میسر ہے وہ ہر اِک کو نہیں 

یہ عجب درد ہے، اس میں ہے بلا کی تسکیں                         

کھیل سارا مجھے ڈر ہے نہ بگڑ جائے کہیں

’’خارِ صحرائے مدینہ نہ نکل جائے کہیں                                

وحشتِ دل نہ پھرا بے سر و ساماں ہم کو‘‘          

 (صاحبزادہ ابو الحسن واحدؔ رضوی)